ڕۆژا سێشەمبی ڕێکـکــەفتی (٢٠٢٣/٧/٢٥) لژێر چاڤدێریا حکومەتا هەرێما کوردستانێ و ب ئامادەبوونا سەرۆک (مەسعود بارزانی) و وەزیرێ پەروەردەیا هەرێما کوردستانێ و وەزیرێ پەروەردەیا وەڵاتێ (لوبنانێ) هژمارەکا کەسایەتیێن بوارێ پەروەردێ ژ چەندین وەڵاتێن عەرەبی و بەرپرسێن پەروەردە و خواندنا بلند ل هەرێما کوردستانێ و عێراقێ، دوەم مەزنترین پێشانگەهـ و کۆنفرانسێ ناڤدەولەتی بۆ پەروەردە و فێرکرن ل ڕۆژهەلاتا ناڤەراست ل باژێرێ هەولێرێ هاتە ڤەکرن.

د ئەڤێ پێشانگەهـ و کۆنفرانسیدا  هژمارەکا بەرچاڤ یا زانکۆ و قوتابخانە و دەزگەهێن پەروەردێ تێدا پشکدارن.

ژ زانکۆیا زاخۆ بەرێز (پ.هـ.د. کاروان فەهمی سامی) هاریكارێ سه‌رۆكێ زانكۆیێ بۆ كاروبارێن قۆتابیان ل ڕۆژا دویێ یا کۆنفڕانسی پشکداری د پەنەڵەکێدا کر لدور بابەتێن (چاوا خواندنا بلند هاریکاریا دەرچوویێن زانکۆیێ بکەت، بۆ ڤەدیتنا دەلیڤێن کاری و مفا وەرگرتن ژ تەکنولۆجیا سەردەم و بکارهینانا وێ د بوارێ خواندنا بلند دا، بۆ هندێ قوتابی پشت بەستنێ ب شیانێن خۆ بکەت و بشێت کارەکێ بدەستخۆڤە بینیت ).